Мавриди тазаккур аст, ки дар пайи имзои Ёддошти тафоҳум байни Барномаи озуқавории ҷаҳонии СММ (БОҶ) ва Вазорати маориф ва илми Ҷумҳурии Тоҷикистон дар моҳи июли соли 2021 ҷиҳати таҳкими ҳамкории ҳарду ҷониб ва таъмини гузариш ва таҳвили барномаи ғизои мактабӣ ба барномаи устувори миллӣ, БОҶ 58 адад маҷмӯи таҷҳизоти компютериро барои дастгирии вазорат оид ба идора ва ҳамоҳангсозии барномаи ғизои мактабӣ тақдим намуд. 

Ҳадафи асосӣ таъмин намудани пешниҳоди иттилоот ва ҳуҷҷатгузорӣ дар бораи барномаи ғизои мактабӣ дар саросари кишвар мебошад.

Бояд гуфт, ки ҳамкории Вазорати маориф ва илм бо Барномаи озуқавории ҷаҳонии СММ назаррас буда, фаъолияташро дар Тоҷикистон аз соли 1993 оғоз намудааст. Мақсади барнома дастгирии Ҳукумати Ҷумҳурии Тоҷикистон дар самти баланд бардоштани амнияти озуқаворӣ ва беҳтар намудани хӯрока дар сатҳи миллӣ мебошад. Барномаи мазкур аз соли 1999 инҷониб татбиқи барномаи ғизои мактабиро дастгирӣ менамояд. Барномаи ғизои мактабӣ бузургтарин барномаи БОҶ дар Тоҷикистон аст, ки зиёда аз 430 000 хонандаи синфҳои ибтидоиро дар 2000 мактаб бо хӯрок таъмин менамояд ва ҳадафи барнома мусоидат намудан ба таъмини таҳсилот, тандурустӣ ва ғизо барои ҳар як кӯдак мебошад.